Aeroplani më i madh zjarrfikës në botë është bashkuar në betejën kundër zjarreve në Kaliforni. Një Boeing 747-400, ka marrë qiellin dhe po punon për të shuar flakët. “SuperTanker Global” është një Boeing 747-400 i modifikuar me një kapacitet të madh. Ai mund të mbajë deri në 17 herë më shumë ujë se një aeroplan normal.
Zjarret
Kujtojmë se bilanci i viktimave nga zjarret e fuqishme në Kaliforni është rritur. Trembëdhjetë trupa të tjerë të pajetë janë gjetur nga autoritetet, duke e çuar numrin e viktimave në 42. Trupat u gjetën kryesisht në qytetin e djegur Paradise. Të patën 228 persona rezultojnë të zhdukur. Zjarri ka tejkaluar tashmë fatkeqësinë e parkut Griffith në vitin 1993, ku mbetën 31 të vdekur.
Rreth 250 persona janë detyruar që të largohen nga banesat e tyre për shkak të rrezikut. Shumë banesa dhe objekte janë shkatërruar nga zjarri i tërbuar, dhe shumë të tjera janë në rrezik.
Kryebashkiaku i qytetit Paradise, që është zona më e prekur nga zjarret, i tha CNN se situata “ishte tepër e frikshme”. Disa trupa të pajetë u gjetën brenda në makina. Ndër viktimat janë edhe të moshuarit, të cilët nuk mundën të largoheshin në kohë, ose edhe njerëzit që vendosën të mos braktisin shtëpitë e tyre pavarësisht urdhërave të evakuimit. Zyrtarët amerikanë paralajmërojnë se gjetja e trupave mund të zgjasë disa javë.
/Tirana Today/
