Kombëtarja e Egjiptit u mposhtë në ndeshjen e parë nga Uruguai me një gol në minutën e fundit nga Gimenez, por ajo që ra më shumë në sy ishte mungesa e Salah. Lojtari i Liverpool është ylli i skuadrës dhe ishte ai udhëheqësi që i riktheu në një Kupë Bote pas shumë vitesh. Trajneri Cuper premtoi se Salah do të jetë i gatshëm në dy ndeshjet e radhës.
Konfirmimet janë të shumta nga Egjipti se Salah do të luaj në dy ndeshjet e radhës, por foto e publikuara nga Stërvitja hedhin shumë dyshime. Numri 11 i kombëtares egjiptiane është “kapur mat”, duke u ndihmuar nga shokët e skuadrës për të veshur fanellën e stërvitjes. Duket se shpatulla e tij nuk është akoma në gjendje të mirë, për këtë arsye disa nga shokët e skuadrës janë duke e ndihmuar që të bëhet gati. Ky nuk është një gjest i një lojtari që është 100% gati për të luajtur në një Botëror.
Nga Rusia dalin dyshime se stafi i Egjiptit nuk jep informacione të sakta në lidhje me gjendjen e lojtarit, madje dyshimet për aktivizimin e tij në ndeshjet e radhës ndaj Rusisë dhe Arabisë Saudite janë të shumta. Ndoshta kjo është një lojë e kombëtares afrikane për të mashtruar rivalët dhe mbajtur në ankth fansat e Salah. Por deri sa të nisë ndeshja me Rusinë, prania e Salah në fushë do të vazhdojë të jetë një enigmë.
