Atëherë kur më së paku pritej, këngëtarja Elvana Gjata ka thyer heshtjen 4 mujore duke rikthyer në vëmendje ngjarjen e rëndë që ndodhi në Bllok, ku u vra një person.
Përfshirja e emrit të saj në media lidhur me këtë krim dhe përfshirja e të fejuarit të saj në ngjarje, bëri që Elvana të përjetojë ndoshta periudhën më të keqe të jetës së saj.
Mbrëmjen e sotme ajo është rikthyer duke postuar një foto të saj, ku vihet re se Elvana ka humbur peshë.
Ajo falënderoi çdokënd për mbështetjen, teksa rrëfeu se sa periudhë të vështirë kishte kaluar e më pas la të kuptohet se do të vijojë me projektet muzikore.
Me mijëra kanë qenë komentet mbështetëse që këngëtarja ka marrë, e sigurisht mes tyre të shumtë kanë qenë edhe VIP-at që kanë komentuar, si Ermal Mamaqi, Capital T, Aurela Hoxha, Albi Nako, Valdrin Sahiti, Jonida Vokshi, Alba Hoxha, Endrit Mërtiri, Tayna, Vildane Zeneli, Klaudia Pepa, Julka Gramo etj.
