Kim Jong-un dhe Donald Trump kanë një ngjashmëri: dëshirën për të ngarë mjete të mëdha si kamionë.
Lideri i Koresë së Veriut ka një sy kritik gjatë inspektimeve që bën, prandaj dhe shoqëruesit e tij mbajnë gjithnjë një bllok me stilolaps për të mbajtur shënime mbi gjithçka që thotë ai.
Por, daljet e tij të fundit janë krahasuar me ato të presidentit të SHBA-ve, Donald Trump. Javën e kaluar, Kim u fotografua mjaft i qeshur teksa ishte ulur në sediljen e një traktori.
Dhe në fotot e publikuara herët të martën, udhëheqësi i Koresë së Veriut mund të shihet duke buzëqeshur gjerësisht ndërsa ai ulet pas timonit të një kamioni në Kompleksin Motorik Sungri në Provincën Jugore Pyongan.
Imazhet u krahasuan menjëherë me disa foto të presidentit amerikan, Donald Trump, i cili ishte ulur mbi një kamion në Shtëpinë e Bardhë në muajin mars.
“Kum Jong-un sapo vizitoi kompleksin motorik Sungri (Victory): Ai personalisht ka ngarë një kamion për të mësuar me detaje për performancën e tij dhe specifikimet teknike. Ju kujton ndonjë?”, shkroi në Twiteer nëj gazetar, i cili postoi një pamje të presidentit amerikan në një kamion.
Kim dhe Trump kanë shkëmbyer ofendime dhe kërcënime gjatë muajve të fundit, teksa situata mes tyre paraqitet mjaft e tensionuar. Megjithatë, Trump ka bërë një hap për përmirësimin e marrëdhënieve të tyre.
“Përpiqem shumë të bëhem shoku i tij dhe mbase kjo do të ndodhë një ditë”, ka deklaruar Trump javën e shkuar, ndërsa ka thënë se është në të mirën e botës një takim mes tij dhe liderit të Koresë së Veriut./ Tirana Today
