Ish-ministri i Brendshëm Saimir Tahiri u vu sërish në qendër të vëmendjes, pasi u shfaq sërish në seancën parlamentare, pas një mungesë të gjatë prej 6-muajsh.
Tahiri arriti në seancë në momentin që punimet e saj kishin nisur. Ai ka qene vetëm, teksa i është drejtuar hyrjes se Kuvendit, ndërkohë që ka qenë i veshur me xhinse dhe xhakete.
Saimir Tahiri, paraqitet si deputet i pavarur, pasi kryeministri Rama I hoqi çdo funksion në Partine Socialiste dhe krimet e rënda nisen hetimet ndaj tij dhe kërkuan arrestimin.
Takimin e parë e ka pasur me gazetarët i cili i ka përshëndetur: “Mirëmëngjesi, urime për rekomandimin” ka thënë Tahiri para hyrjes në seancë.
Ai është ulur i vetëm në karrigen e tij në fund të sallës në radhët e socialistëve, teksa është përgatitur të flasë në ligjin për Prokurorinë.
Si për ironi e ka regjistruar emrin te ligji për Prokurorinë, që kërkon ta arrestojë.
I pari që i ka dhënë dorën Tahirit ka qenë deputeti i PS-së Musa Ulqini, dhe pas tij kolegia Adelina Rista.
E ndërsa opozita nuk do të jetë e pranishme në fjalën e Tahirit pasi ajo u largua nga salla duke protestuar që ish-ministri të dalë jashtë.
Pas kërkesës opozita u largua nga parlamenti.
