Vendosen 200 gramë tritol në derën e një biznesi bar-kafe në lagjen “Pavarësia” në Vlorë.
Fatmirësisht sasia e tritolit nuk ka shpërthyer, ndërsa kanë qenë familjarët ata që kanë konstatuar lëndën shpërthyese në mëngjes kur kanë tentuar të hapin lokalin. Të alarmuar nga sasia e tritolit, ata kanë njoftuar menjëherë policinë.
Në vendin e ngjarjes kanë mbërritur menjëherë forca të shumta policore. Vijojnë hetimet për identifikimin e personave të përfshirë në këtë ngjarje.
