I vogli Alfie Evans pas një vuajtje te gjate me së fundmi nuk duroi dot me dhe mbylli sytë. Lajmin e hidhur e kane dhënë prinderit e të voglit me një postim në Facebook. Gjykatësit britanikë kishin ndaluar transferimin e vogëlushit në Itali pavarësisht se ai kishte marrë nënshtetësinë italiane.
’Gladiatori im- ka shkruar babai në rrjetin social, uli mburojën dhe nisi fluturimin në orën 2.30 minuta. Jam i dëshpëruar. Të dua djali im’.
‘Engjëlli jonë mbylli sytë rreth orës 2.30 . Zemrat tona janë të copëtuara. Faleminderit të gjithëve për mbështetjen’, ka shkruar nëna e vogëlushit, Kate James në profilin Facebook.
Dhimbja është e madhe, zemra të coptura dhe lotët vëshirë se ndali, por tashmë ai iku edhe se luftoi gjate nuk ja doli.
Pak momente se te mbyllte syte halla e të voglit kishte bërë një apel te fundit ku kishte kërkuar ‘lutje’ dhe ‘100 frymëmarrje të thella për luftëtarin tonë’. Një sinjal për fëmijët, pas një tjetër dite të kaluar në pritje të transferimit në Itali, që i kishte nisur një tjetër krizë e shkaktuar nga shkëputja e aparaturave.
Pas vdekjes së të voglit, mjekët e Liverpool e kanë cilësuar këtë çështje si një ‘udhëtim shkatërrues’. ’Duam tu shprehim ngushëllimet tona më të thella famljes së Alfie në këtë moment dhimbjeje të papërshkruar. Ishte një udhëtim shkatërrues për ta. Tani kërkojmë të respektohet privatësia e tyre dhe privatësia e stafit të Alder Hey’.
Rasti i Alfie Evans zgjoi kureshtjen e gjithë botës, teksa mjekët britanikë vendosën t’i fikin pajisjet që e mbanin në jetë, me pretendimin se djali i vogël nuk kishte shpresa për të mbijetuar.
Edhe Papa Françesku ka ndërhyrë dhe ka kërkuar të dëgjohen lutjet e prindërve. Ndërkohë, qindra britanikë qëndronin në dyert e spitalit ku tentuan të hyjnë me forcë për të mos lejuar që fëmijës t’i hiqeshin aparaturat.
