Greqia është tronditur paraditen e sotme nga një vrasje, ku i kanë marrë jetën një 45-vjeçari, babai i dy fëmijëve. Një biznesmen 45-vjeçar, i identifikuar si Kostas Tsaftaridis është qëlluar për vdekje jashtë banesës së tij, ndërsa autori është larguar me një makinë ngjyrë blu.
Sipas ekzaminuesit mjekësor, trupi i 45-vjeçarit ka gjashtë plagë me armë zjarri. Policia po kërkon video nga kamerat e sigurisë në zonë, në përpjekje për të identifikuar autorin. Viktima kishte një kompani ndërtimi dhe një kompani makinash me qira.
Duke iu referuar ekzaminuesit mjekësor, trupi i 45-vjeçarit ka gjashtë plagë me armë zjarri. Katër nga dëmtimet në trup, një në kokë dhe një në kofshë.
Nga skena e ekzekutimit, policia e Sigurimit e cila po merret me çështjen, mblodhi nëntë predha prej nëntë milimetrash, të cilat do të dërgohen në laboratorët mjeko-ligjorë të policisë greke, për të përcaktuar nëse kjo armë ishte përdorur në të kaluarën në një akt tjetër kriminal.
Policia po kërkon video nga kamerat e sigurisë në zonë, në përpjekje për të gjetur sa më shumë informacion dhe për të vazhduar me identifikimin e autorit. Në të njëjtën kohë, ata pritet të marrin dëshmi nga të afërmit dhe miqtë e viktimës, në mënyrë që të hetojnë nëse ai kishte marrë kërcënime më parë.
Burimi i lajmit: Protothema. Përshtatur nga Tirana Today
