Sandër Lleshi është emëruar zv/ministër i Brendshëm me vendim të qeverisë, pasi Presidenti Ilir Meta refuzoi ta dekretonte si Ministër të Brendshëm. Me anë të emërimit politik si zv/ministër, Lleshi ka marrë kompetencat e Ministrit të Brendshëm, pas dorëheqjes së Fatmir Xhafajt.
Sandër Lleshi u emërua me VKM zv/ministër në një mbledhje urgjente të Qeverisë, pas seancës së jashtëzakonshme në Parlament, ku Kryeministri Rama mbajti fjalim duke sulmuar Presidentin për refuzimin e dekretimit.
Sa I takon postit të marrë nga Sandër Lleshi, kryeministri Rama ka nxituar të japë komentin e tij, me anë të një postimi në Instagram. “Me drejtuesin e ri të Punëve të Brendshme, gjeneral Sandër Lleshin, pas mbledhjes së qeverisë që vendosi emërimin e tij zv.Ministër i Brendshëm”, shkruan ai.
