Skënder Gjinushi është takuar ditën e sotme me kryeministrin Rama.
Një ditë pasi u zgjodh në krye të Akademisë së Shkencave,Gjinushi është parë duke pirë kafe privatisht me Ramën në Tiranë.
Gjinushi, ish-ministër i Arsimit u zgjodh dje në krye të Akademisë së Shkencave. Ai mori 35 vota pro dhe 6 kundër, ndërsa 2 vota u shpallën të pavlefshme. I vetmi anëtar që nuk votoi në procesin zgjedhor ishte akademiku Artan Fuga.
Para nisjes së procesit të numërimit, kreu i ri i Akademisë së Shkencave, Skënder Gjinushi, prezantoi edhe platformën e tij për këtë institucion, ndërsa tha se duhen reforma të thella në të gjitha drejtimet, veçanërisht në fushën e kërkimit shkencor.
