Publikohet fotoja e parë pas emërimit të ministrit të ri të Jashtëm, Genti Caka. Është Ardi Nurellari ai që ka postuar një foto me ministrin, teksa e cilëson atë si eruditin që meriton besimin e dhënë nga kryeministri Rama.
“Përtej paragjykimeve apo sulmeve të natyrshme partiake, unë jam i bindur që Genti shumë shpejt ka për ta dëshmuar veten si profesionist patriot i përkushtuar dhe me rezultate të prekshme për vendin”,- shkruan Nurellari në Facebook.
Dy ditë më parë kryeministri Rama shkarkoi 7 ministra pa asnjë motivacion, ndërsa një nga të sapoemëruarit është Genti Cakaj që zë vendin e Bushatit.
Gent Cakaj u emërua në korrik të këtij viti Kryenegociator i çeljes së negociatave të Shqipërisë me Bashkimin Evropian për anëtarësim, ndërsa më parë ka qenë këshilltar i kryeministrit për politikën e Jashtme.
