Një fshat i lashtë nënujor është zbuluar pasi një digë në Turqi theu portat e saj duke çuar në një rënie në nivelin e ujit duke ekspozuar një xhami historike, medrese, varreza dhe faltore.
Ky fshat u gjet në lagjen Carikoren, në rrethin Egil të Diyarbakir, pasi një nga portat e digës u thye.
Diga, e cila u hap në 1997, tani siguron ujë të pijshëm për qytetin e Dijarbakir – një nga qytetet më të mëdha në Turqinë juglindore me një popullsi prej rreth 930.000 banorësh.
Hapur rreth njëzet vjet më parë, diga mbuloi 78 shtëpitë e gjetura në fshat duke përfshirë xhaminë, medresenë, varrezat.
Por shpërthimi i një porte pas reshjeve të mëdha, ka zbuluar edhe njëherë fshatin e fshehur.
Imazhet e pabesueshme tregojnë strukturat e mrekullueshme të fshehura, duke përfshirë një varr të Eliseut – një profet në Judaizëm, Krishtërim dhe Islam.
Para se të mbuloheshin për shkak të ndërtimit të digës rreth njëzet vjet më parë, kufoma e tij u hoq dhe u transferua në një varr të ndërtuar në lagjen Kale në shtator të vitit 1995.
