Një ngjarje jo e zakontë ka ndodhur pas mbrëmjes së ceremonisë së ndarjeve të çmimeve Oscars, ku është vjedhur një nga çmimet më të rëndësishme.
Konkretisht, një burrë është arrestuar pasi ka vjedhur Oscarin e aktores Frances McDormand. Policia e Los Anxhelosit konfirmoi se Terry Bryant u arrestua për vjedhje, pasi statuja u zhduk nga vendi ku ajo qëndronte.
Mësohet se hajduti Bryant ishte mbajtës i biletave në një darkë që mbahej pas ceremonisë zyrtare.
Ai ka pozuar me statujën, duke publikuar madje një video në Facebook, gjë që ka çuar në zbulimin dhe arrestimin e menjëhershëm të tij.
