Policia Rrugore ka vijuar edhe këtë fundjavë aksionet në pikat kyçe të kryeqytetit, lidhur me respektimin e rregullave të qarkullimit nga ana e drejtuesve.
Gjatë aksionit të një nate më parë, është ndaluar një person i cili është kapur me shpejtësi thuajse dyfish më tepër se norma e lejuar.
Si të mos mjaftonte kjo, shoferi mësohet se ishte duke folur në telefon në autostradën Tiranë-Durrës, gjatë kohës që drejtonte automjetin e tij luksoz tip BMW.
Shoferi, identiteti i të cilit nuk bëhet i ditur, nuk i ka ndaluar patrullës së policisë ndërsa është ndaluar në Kombinat nga efektivët pas ndjekjes.
Drejtuesi i mjetit tip BMW ishte arsyetuar se nuk i kishte parë punonjësit e policisë gjatë kohës që fliste në telefon.
“Respektoni rregullat e qarkullimit rrugor. Jeta eshte e shtrenjte, mbrojeni ate. Respektoni shenjat e ndalimit nga punonjesit e policise rrugore, pasi mundesia per tju shmangur shkeljes eshte pothuaj zero.”, thuhet mes të tjerave në njoftimin e policisë.
