Ditën e sotme janë mbajtur zgjedhjet për kreun e Forumit të Gruas Socialiste, ku në garë kanë qenë katër gra.
Forumit të Gruas Socialiste ka mbajtur sot zgjedhjet për kryetaren e re. Fituesja është zgjedhur pak minuta më parë dhe lajmin e ka bërë të ditur deputetja e Partisë Socialiste, Blerina Gjylameti.
Kryetarja e Partisë Socialistë për Tiranën, Gjylameti shkruan se kryetarja e Forumit të Gruas së Tiranës u zgjodh Klodeta Dibra. Ajo do të drejtojë gratë socialiste të kryeqytetit.
Përballë njëra-tjetrës në këtë “betejë” ishin Etilda Muhaj, Klodeta Dibra, Voltiza Prendi dhe Zana Sina.
“E gjithë vëmendja tek gruaja
Përfundon gara e FGS Tiranë, proces i zhvilluar në parimin 1 anëtarë 1 votë.
Në proces mori pjesë një numër i konsiderueshëm votuesesh.
Kryetare e Forumit të Gruas së Tiranës u zgjodh Klodeta Dibra.
Një falenderim për kandidatet dhe për gjithë të angazhuarit në këto zgjedhje.
Suksese!”, shkruan Blerina Gjylameti.
