Një delegacion biznesi grek do të marrë pjesë nesër në forumin ekonomik dypalësh në Shkup.
Ky i fundit organizohet nga Lidhja e Odave Ekonomike të Maqedonisë (LOE), nën mbështetje të Universitetit Kolumbia të SHBA-së.
Delegacioni kryesohet nga Kiriakos Lefakis dhe do të qëndrojë në Maqedoni dy ditë, ku krahas pjesëmarrjes në forum, do të ketë takim zyrtar me kryetaren e LOE-s Danela Arsovska, si dhe me përfaqësues të LOE-s.
Forumi ekonomik dypalësh-Maqedoni-Greqi po mbahet si rezultat i marrëdhënieve të mira të vendosura mes bizneseve ndërmjet organizatave nga të dy vendet.
“Forumi ekonomik dypalësh është një mundësi e mirë për avancim të bashkëpunimit ekonomik ndërmjet të dy vendeve, vendosje e formave më të larta të bashkëpunimit, partneritetit, pjesëmarrjes së përbashkët të projekteve si dhe paraqitje në tregje të treta”, thonë nga LOE.
