Kampionati italian i futbollit përfundoi javën që kaloi, ku skuadra e Juventus u shpall edhe kampione për të shtatin vit radhazi. Por përmes të dhënave të “OPTA”-së, është publikuar edhe formacioni më i mirë i vitit për sezonin që u mbyll.
Skema perfekte që është zgjedhur është 4-3-1-2. Në portë qëndron portieri i Romës, Alisson, ndërsa përpara tij rreshtohen Cancelo e Skriniar të Interit, Koulibaly i Napolit dhe Alex Sandro i Juventusit. Ndërkohë në mesfushë janë përzgjedhur, Pjaniç i Juventus, Jorginho i Napolit dhe Iliçiç i Atalantës.
Pas dy sulmuesve qëndron Paul Dybala i Juventus, ndërsa përpara tij rreshtohen edhe dy golashënuesit më të mirë në Serie A për këtë sezon, Immobile dhe Icardi. Për sa i përket lojtarëve të ndarë sipas skuadrave dominon Juventus dhe Inter me nga tre lojtar secili, dy nga skuadra e Napolit dhe vetëm nga një lojtar Roma, Lazio dhe Atalanta.
