Kryeministri italian, Giuseppe Conte ka reaguar lidhur me planin e rimëkëmbjes nga koronavirusi prej 750 miliardë eurosh, të propozuar nga Komisioni Evropian.
Përmes një postimi në Twitter, Conte e cilëson planin e KE-së si një sinjal të shkëlqyer.
“Sinjal i shkëlqyer nga Brukseli, përkon saktësisht me drejtimin të cilit i referohej Italia. Ata na quajtën vizionarë sepse ne e besuam këtë që nga fillimi. 500 miliardë euro në grante dhe 250 miliardë euro kredi është shifër e përshtatshme. Tashmë le të përshpejtojmë negociatat dhe të lirojmë burimet”, shkruan ai në postimin e tij.
Nga këto fonde do të përfitojnë më shumë vendet më të prekura nga koronavirusi, si Italia, Spanja, Franca, Gjermania etj.
