Pas publikimit të skandalit se mediat shqiptare financohen nga qeveria greke, Prokuroria e Athinës ka urdhëruar nisjen e hetimeve.
Informacionet e publikuara në gazetën elektronike greke iefimerida.gr, në lidhje me fondet sekrete dhe pagesat në median dhe biznese në Shqipëri dhe Greqi do të hetohen nga Prokuroria e Athinës.
Edhe Kryeministria greke ka reaguar lidhur me lajmin, duke e përgënjeshtruar zyrtarisht.
Pas bujës së shkaktuar për listën e gazetarëve dhe portaleve shqiptare që kryenin propagandë pro Greqisë, Kryeministria greke tha se nuk janë shpërndarë fonde në media ballkanike.
Sipas prokurorisë, publikimi në media i informacioneve sekrete të shtetit përbën akt penal dhe kriminal.
