Conor McGregor nuk ndalet së shkaktuari probleme. E filloi në Brooklyn, ku sulmoi një autobus me luftëtarë të UFC-së dhe për këtë u arrestua duke u përballur me gjykatën. Ndërsa aktualisht është i dënuar me 6 muaj heqje të lejes së qarkullimit pasi në vitin 2017 ai ka udhëtuar më makinën e tij “Range Rover” me një shpejtësi prej 154 km/orë në një zonë ku kufiri i lejuar ishte vetëm 100 km/orë.
Irlandezi është paraqitur sërish në dyert e gjykatës dhe ka pranuar fajësinë. Ai i ka kërkuar falje gjyqtarit i cili i ka vënë gjobë prej 1000 euro për shkeljen e rregullave të qarkullimit.
Kujtojmë se ndeshja e fundit për luftëtarin e UFC nuk ka shkuar edhe aq mirë ku ka marrë një humbje nga Kabib Nurmagomedov, ku për shkak të incidentit në fundin e ndeshjes pritet që Konor të marrë një dënim nga UFC-ja.
