Zyrat e aplikimit për karta identiteti, do të jenë të hapura edhe ditën e shtunë në qytetet kryesore të vendit, për shkak të fluksit të lartë të kërkesave.
Ministria e Brendshme njofton se nesër do të punohet në 9 qytete të vendit si strategji për të pajisur sa më shumë qytetarë me dokumente identifikimi.
Njoftimi:
Zyrat e aplikimit për karta ID, të hapura edhe të shtunën në qytetet kryesore të vendit
Drejtoria e Përgjithshme e Gjendjes Civile, për shkak të fluksit të aplikimeve për karta ID dhe për t’u ardhur në ndihmë qytetarëve, ka urdhëruar hapjen e zyrave të aplikimit për Tiranën dhe disa prej qyteteve kryesore të vendit, të shtunën, datë 2 Shkurt.
Në kuadër të masave që janë marrë për përballimin e fluksit, nesër, përveç Tiranës, do të jenë funksionale zyrat e aplikimit në qytetet: Berat, Durrës, Elbasan, Fier, Lushnje, Korçë, Shkodër, Kamëz dhe Vlorë.
