Një nga stuhitë më të rrezikshme që ka goditur SHBA-në në vite ka lënë 2.4 milionë shtëpi dhe biznese në Florida pa energji elektrike dhe ujërat e përmbytjeve janë rritur në brendësi të vendit.
Uragani Ian arriti në tokë rreth orës 15:10 me orën lokale të mërkurën, duke u përplasur në bregdet me shpejtësi të erës deri në 241 km/h (150 mph).
Uragani i kategorisë katër u zvogëlua më vonë në një stuhi tropikale. Megjithatë, banorët u paralajmëruan se 24 orët më të rrezikshme ishin përpara dhe kryebashkiaku i Tampa u kërkoi të strehoheshin në një vend gjatë natës deri në mëngjesin e së enjtes.
Si rezultat, është shpallur shtetrrethimi “deri në një njoftim të dytë”.
Menaxheri i qarkut Lee, Roger Desjarlais tha se komuniteti i Fort Myers ishte “- deri në një farë mase – i shkatërruar”. Sipas agjencisë së lajmeve AFP, disa lagje në qytetin me 80,000 banorë kishin mbetur si liqene.
Guvernatori i shtetit Ron DeSantis e përshkroi Ian si “ngjarjen më të madhe të përmbytjes” që ka parë ndonjëherë Florida jugperëndimore dhe njoftoi se 7,000 trupa të Gardës Kombëtare janë gati për të udhëhequr operacionet e shpëtimit në zonat e përmbytjeve.
Ian tani po vazhdon të lëvizë në veri përmes Floridës. Aeroporti Ndërkombëtar i Jacksonville, me qendër në Florida verilindore, anuloi të gjitha fluturimet e planifikuara për të enjten.
Bregdeti perëndimor i Kubës u godit nga uragani Ian të martën. Energjia tani është rivendosur në disa zona, pasi ishulli u zhyt në një ndërprerje totale. Dy persona mësohet se kanë vdekur në Kubë dhe më shumë se 20 emigrantë kubanë besohet se janë zhdukur në det.
Burimi i lajmit: BBC. Përshtatur nga Tirana Today
