Bayer Munich më shumë se një muaj më parë ka shkarkuar nga posti i trajnerit italianin, Carlo Ancelotti-n. Por akoma vazhdon të komentohet ky shkarkim që bëri kaq shumë bujë në Gjermani dhe jo vetëm. Tashmë është kthyer të flasë presidenti i bavarezëve Uli Hoeness për shkarkimin e teknikut dhe ka mohuar kategorikisht që të kishin ndonjë problem me atë. Të gjithë punën e kanë prishur stafi i tij, pasi nuk ishin seriozë në punë dhe krijonin situata tensioni.
“Me Ancelottin nuk kishim asnjë problem, me të çdo gjë shkonte mirë – tha Hoeness për Bild – Por çdo ditë kishte një zënkë që vinte nga stafi i tij, një herë fizioterapisti, një herë tjetër mjekët dhe bashkëpunëtorët. Me një staf të tillë nuk mund të punohet. Më shumë flitej se kush prej stafit do të ulej në pankinë, se sa për anën taktike të ndeshjes apo për të mirën e skuadrës”, u shpreh presidenti i Bayern Munchen.
