Nëna e ish-kapitenit Davide Astori ka folur 9 muaj e gjysmë pas vdekjes së të birit më 4 mars në një hotel në Udine.
Ajo ka kërkuar që testet mjekësore të jenë më të avancuara pasi vetëm kështu do parandaloheshin raste të tilla, ndërsa duket se Anna Astori nuk i bën pistës së vrasjes së të birit.
“Unë e dua një ‘pse’, nuk dua fajtor, sepse jam e sigurt që fajtori nuk ekziston. Kam dy fëmijë të tjerë, jam një nënë dhe duhet të jem e fortë për ata. Atë mëngjes se bashku me burrin duhet të shkonim në meshë dhe pastaj të votonim, sepse ishin zgjedhjet. U zgjova, isha si e paralizuar, kisha të ftohtë, isha e zbrazët, një ndjenjë që nuk e kisha përjetuar kurrë më parë në jetë time. Ende nuk dija asgjë”, ka rrëfyer e ëma e ish-kapitenit të Fiorentinës.
“Ajo që ndodhi ishte një fatkeqësi, askush nuk e ka dëshiruar, por në të njëjtën kohë dua që kjo të mos i ndodhë askujt. Dua që asnjë nënë të mos e përjetojë kurrë atë që kam përjetuar unë.
Në Itali kontrollet teknike për sportistë janë shumë të mira, por duhet të përmirësohen ende më shumë. Dua që sakrifica e Davides tim mos të jetë e padobishme”.
