Samir Mane, biznesmeni i njohur shqiptar, u shpall edhe këtë vit njeriu më i pasur në vend. Presidenti i Balfin Group, që në 2015-ën grumbulloi 35 milion euro fitime, tregoi nga vjen gjithë pasuria e tij e shumëpërfolur.
I ftuar në emisionin “Opinion”, Mane tha se nuk ka asgjë për t’u çuditur se është njeriu më i pasur, pasi me gjithë bizneset që ka, mund të fitojë kaq dhe më shumë.
“Kushdo të shkojë të pyesë në QKR. Si pronar i të gjitha kompanive, marr të ardhura nga të gjitha”, tha Mane.
Kompania e tij e ndërtimit 10 milion euro, të tjera kompani të Balfin group e mbyllin vitin me 8 milion e 7 milion euro. I pyetur nëse politika ka ndihmuar që të vërë këtë pasuri, Mane u përgjigj:
“Mua s’më ndihmon fare politika të pasurohem, sepse unë televizora shes. Nuk më duhet asnjë politikan që të shes televizorë dhe lavatriçe.”
