Avokati i Klement Balilit ka folur pas vetëdorëzimit të ‘Eskobarit të Ballkanit’, i cili ishte në kërkim prej më shumë se dy vitesh.
Theodhori Sollaku tha se klienti i tij nuk i është shmangur drejtësisë, por kjo e fundit nuk ka kryer asnjë veprim procedurial.
Po ashtu, Sollaku tha se nuk ka asnjë provë implikuese ndaj Balilit dhe se ndaj këtij të fundit është ushtruar trysni e madhe, që çoi në vendimin e tij për t’u vetëdorëzuar.
Fjala e Sollakut, avokatit të Balilit:
Klement Balili nuk i është shmangur drejtësisë, sepse drejtësia shqiptare nuk ka kryer asnjë veprim procedurial. Ditët e fundit është diskutuar me familjarët e Balilit.
Jemi në përfundim të hetimit, do njihemi me aktet përfundimtare. Dosja është në këtë gjendje që ka qenë dy vjet më parë, provat janë të dyshimta, nuk ka asnjë telefonatë të përgjuar. Pretendohet se një numër grek i përket Balilit. Ka pasur trysni të madhe për dorëzimin e Balilit.
