Raportuesi për Shqipërinë në PE, Knut Fleckenstein iu përgjigj opozitës e veçanërisht Pollos. Deklarata e tij erdhi pasi opozita braktisi punimet në Parlamentin Europian. Fleckenstein deklaroi se nuk është polic apo prokuror. Por duhen prova për të vërtetuar akuzat që janë hedhur ndaj Ballës.
“Unë nuk jam prokuror, polic apo gjyqtar, kemi nevojë për prova për të besuar akuzat ndaj Ballës. Nuk na lejohet t’ju besojmë nëse nuk i ndiqni procedurat”
Po ashtu Fleckenstein tha se është bërë shumë progres, por përsëri ka shumë për të bërë.
“Çdo vit duhet të bëhet progres, duke luftuar korrupsionin, duke luftuar krimin”
Ndërsa drejtuesja e komisionit të PE, Macovei tha se opozita dhe mazhoranca duhen të bëhen bashkë kur bëhet fjalë për integrimin.
Monica Macovei: Shqipëria të plotësojë 5 prioritetet kyçe për anëtarësimin në Bashkimin Evropian. Kjo është koha që partitë të bëhen së bashku për përfitimet e qytetarëve shqiptarë. Vetingu është në proces, janë marrë vendime për disa nga prokurorët dhe gjyqtarët.
