Një ditë më parë, kryeministri Rama e cilësoi si një horr nënkomisarin Emiljano Nuhu, i cili bëri publike në media ngjarjen me Xhisiela Malokun. “Një horr që u kthye në hero, në vend që të dënohej publikisht nga të gjithë si një person që braktisi detyrën, sabotoi hetimin dhe përdori rastin për të marrë azil. Nuk do i ndahemi këmba-këmbës atij horri”, tha Rama.
Por PD nuk ka qëndruar në heshtje. Deputeti demokrat Flamur Noka ka shpërthyer me anë të një postimi në rrjetin social Facebook, duke iu drejtuar me fjalën horr atij.
Ai e cilëson horr Ramën, sepse nuk i doli në mbrojtje një vajze të dhunuar. Deputeti, në morinë e akuzave i kujton faktin se i ka dalë zot përdhunuesit, e ku ky i fundit lëviz lirshëm sikur të kishte bërë heroizëm.
