Deputeti i Partisë Demokratike, Flamur Noka është treguar sa i ashpër aq edhe ironik me kryeministrin Edi Rama. Nga selia e Kuvendit, Noka nënvizoi se kuksianët e kishin porositur për t’i hedhur kryeministrit miell, ndërsa shtoi se seanca e sotme parlamentare është vetëm fillimi i një beteje pa kthim kundër Edi Ramës.
“ Kuksianet më porositën që t’i bëjmë dhuratë sot nga sofra e tyre e varfëria miell batakçiut Edi Ramës, në pamundësi për të pasur fuqi ekonomike për t’i dhënë pluhurin e bardhë, atë që quhet drogë. Por, seanca e sotme është vetëm fillimi i një beteje pa kthim ndaj krye hajdutit, krye mafiozit, qeverisë së tij, ndaj bandës së tij deri në rrëzimin e kësaj klike kriminale që për fat të keq, quhet sot Republika e Shqipërisë’’, përfundoi Noka.
Ndërkohë po sot Byroja e Kuvendit ka vendosur të përjashtojë 6 deputetët të opozitës dhe ministrin e Jashtëm Ditmir Bushati. Byroja përjashtojë për 10 ditë të deputetëve, Edi Paloka, Flamur Noka, Ervin Salianji, Klevis Balliu, Endrit Brahimllari dhe Keidi Mehmetaj.
