Gafa e radhës ka ardhur nga këngëtarja Fjolla Morina. Ajo ka qenë e ftuar në emisionin “Rudina”, për të folur për këngën e saj më të re “Fustani”, bashkëpunim me një tjetër këngëtar, Mani. Gjatë emisionit, Fjolla po ashtu zbuloi edhe prapaskenat e klipit të ri.
Ndonëse ka risjellë një këngë të kënduar nga Parashqevi Simaku, Fjolla Morina pranon publikisht se nuk e njeh këngëtaren. Madje ajo ka shtuar më tej se nuk e kishte parë variantin origjinal të këngës. Ka qënë kompozitori që ia kishte propozuar këngën.
“Të them të drejtën, nuk e njoh Parashqevi Simakun. Nuk e dija që e këndonte ajo këtë këngë, kërkoj falje. Nuk e kisha parë variantin origjinal. Ka shumë këngëtarë që e këndojnë këtë këngë. Unë e kam dëgjuar vetëm audio. Ka qenë kompozitori që ma ka propozuar këngën, dhe unë e pranova. Për mua është hera e parë që risjell një këngë të vjetër, është një ndjesi e mirë. Pasi publikova këngën, më merr një shoqe në telefon dhe më thotë: Oj motër, ç’e ke veshë atë llastik. Po tani duhet të ndjekim modën, ç’të bëjmë”, tha Fjolla.
