Riccardo Saponara ka shkruar një letër prekëse lamtumire për ish-shokun e ekipit te Fiorentina, Davide Astori. Ai i është bashkuar vitin e fundit me Fiorentinën, por në këtë letër pasqyron shumë qartë se kush ishte në të vërtetë Astori dhe çfarë ndikimi dhe marrëdhënie ndërtonte ai me lojtarët e tjerë.
“O kapiten, kapiteni im,” fillon ai të shkruajë në Instagram. “Pse nuk zbrite për të ngrënë mëngjes me të gjithë ne? Pse nuk i more këpucët nga dhoma e Marco-s dhe të zbrisje të pije lëngun e portokallit si gjithmonë?
“Tani na thonë se jeta vazhdon, se duhet të tregohemi të fortë dhe të shohim përpara, por çfarë shije do të ketë mungesa jote? “Kush do të mbërrijë çdo mëngjes te kafeteria për të na ngrohur me buzëqeshjen e tij? Kush do të na pyesë se çfarë bëmë një natë më parë dhe të qeshë për këtë gjë?
“Kush do të qortojë të rinjtë dhe të jetë përgjegjës për ata me më shumë eksperiencë? “Kush do të mposhtë Marco-n në PlayStation? Me kë do të debatojmë për episodet e Masterchef, restorantet e Firences, serielet e TV dhe ndeshjet që luajmë?
“Ku do të mbështetem në drekë pas stërvitjes së rëndë? Kthehu përsëri, ke lënë përgjysmë filmin La La Land dhe të analizosh çdo film të fundit. Kthehu në Firence, ata po të presin që të rinovosh kontratën. Dil nga ajo dreq dhomë, po të presim nesër, kur të rifillojë stërvitja. Në jetë, ka gjithmonë njerëz që njeh për shumë kohë por që kurrë nuk krijon një marrëdhënie”.
“Më pas janë edhe ata si Davide, të cilët të mirëpresin menjëherë me një buzëqeshje të thjeshtë ‘mirë se erdhe në Firence, Ricky?”.
“Kudo që të jesh tani, vazhdo të mbrosh portën tonë dhe na trego rrugën e duhur. O kapiten, kapiteni im. Përgjithmonë kapiteni im”.
