Spektakël po dhuron sfida me Fiorentinës dhe Romës, ku vetëm në pjesën e parë janë shënuar katër gola duke u mbyllur në 2-2. Janë djemtë e Di Francescos që kalojnë të parët në avantazh që në fillim të ndeshjes me anë të Gerson, por festa nuk zgjat shumë pasi Fiore barazon pas 4’ minutash me Veretout. Volumi i lojës ishte mjaft i madh dhe priteshe që të ketë sërish gola. Është sërish Roma që merr avantazhin me të njëjtin autor goli në minutën e 30’, por sërish pas 9’ minutash Fiorentina barazon me Simeonen.
Ndërsa Juventusi është duke u mposhtur në “Juve Stadio”, nga ekipi që manë fundin e tabelës Benevento. Ekipi i Memushajt dhe Xhimshiti është duke marrë fitoren e parë dhe pikët e para në këtë sezon të Serie A. Ku Memushaj e ka shijuar nga stoli këtë pjesë të parë, ndërsa Xhimshiti është në fushën e lojës.
Napoli po has vështirësi përballë Chievos, formacioni i Sarrit nuk ka arritur të gjejë rrugën e rrjetës pavarësisht lojës dominuese dhe rasteve të shumta që ka pasur. Duket se do të jetë një javë aspak e mirë për ekipet kryesuese të Serie A. Kujtojmë që edhe Interi u ndal në shtëpi nga Torino, ndërsa ndeshja mes Lazios dhe Udinezes është shtyrë.
