Deputeti i Partisë Socialiste, Bashkim Fino do të përballet me Armand Dukën për kreun e FSHF-së.
Mësohet se Fino do të shpallë nesër kandidaturën për President të Federatës Shqiptare të Futbollit, duke sfiduar kështu Dukën, i cili rikandidon për një mandat të pestë.
Zgjedhjet do të mbahen më datë 7 shkurt, ndërsa me shpalljen e kandidaturës, pritet që nesër Fino të shpallë edhe platformën me idetë se çfarë synon në 4 vitet e ardhshme nëse ai zgjidhet në krye të FSHF-së.
Një pjesë e drejtuesve të klubeve e kanë kundërshtuar fort një rikandidim të Dukës, mes tyre edhe administratori i Flamurtarit Sinan Idrizi, i cili e akuzoi dje se po vjedh votat për të marrë një tjetër mandat.
