Drejtësia është kthyer në një “mollë sherri” mes palëve në Kuvend, ndërsa Rama e Basha nuk lënë gjë pa ia faturuar njëri-tjetrit. Jo më pak shqetësuese është kjo situatë edhe për Bashkim Finon, i cili e thotë troç se aktualisht, gjyqësori po kalon në një proces të vështirë.
https://tiranatoday.com/sistemi-i-drejtesise-drejt-kolapsit-rama-ne-lufte-me-opoziten/
Fino e pranon publikisht se edhe ai ka qenë dëshmitar dhe viktimë e individëve “kamikazë” në gjyqësor. E gjithë kjo situatë kaotike, e ka një argument të fortë, e cila lidhet ngushtësisht me mungesën e profesionalizmit.
Kjo përkthehet ndryshe në shtim të dozës së abuzimit, ku pasojat i vuajnë qytetarët. Përmes një analize të detajuar, Fino sqaron se Asambleja Zgjedhore e FSHF, e zhvilluar më 7 shkurt, prej gati 5 muajsh, nuk është regjistruar në Gjykatë.
Ai sjell në fokus këtë rast, për të ngritur zërin ndaj abuzimeve skandaloze që bëhen prej mantelit të gjyqtarit. Po kështu, Fino thotë se i ka bërë një shkresë zyrtare, por edhe thirrje publike Komisioneve të Vettingut, që të bëjë një hetim të hollësishëm profesional dhe pasuror mbi Kryetaren e Gjykatës, Enkeledi Hajri dhe gjyqtaren e shkallës së Parë, Marjana Dedi. Ai ai e përfundon me një apel të hapur, se kushdo që abuzon, do ketë fundin që meriton.
