Do të luhet sot në orën 17:30 në stadiumin “Zeqir Ymeri” ndeshja “finale” e Kategorisë Superiore e vlefshme për javën e 35-të mes Kukësit dhe Skënderbeut.
Të dyja ekipet kërkojnë vetëm fitoren, teksa verilindorët me 3 pikë fitojnë matematikisht titullin kampion, ndërsa Skënderbeu me 3 pikë merr kreun dhe gjithçka e ka në dorë vetë një javë më pas në ndeshjen ndaj Partizanit në Korçë.
Kujtojmë, se dy ekipet në fjalë gjatë dy viteve të fundit kanë qenë pretendentët kryesor për titullin kampion në Shqipëri.
17:30 KUKËSI – SKËNDERBEU
Kukësi: Koliçi, Hallaçi, Shameti, Alla, Imami, Dvornekoviç, Lena, Musolli, Karioka, Emini, Pejiç
Trajner: Ernest Gjoka
Skënderbeu: Shehi, Vangjeli, Radas, Jashanica, Mici, Osmani, Orelesi, Gavazaj, Xhejms, Latifi, Salihi
Trajner: Ilir Daja
Gjyqtar: Enea Jorgji
