Në fazën e 1/8 të Kupës së Gjermanisë do të kemi një finale të parakohshme, pasi Bayern Munich pret në “Allianz Arena”, Borussia Dortmund. Këta të fundit janë kampionët në fuqi të kupës dhe do të kenë një provë të vërtetë për të treguar nëse do ta mbrojnë këtë titull apo do të dorëzohen përballë bavarezëve.
Bavarezët me Heynckes në krye janë duke kaluar një formë fantastike dhe janë të vetëm në majën e klasifikimit në kampionat, me një diferencë pikësh të konsiderueshme nga vendi i dytë. Ndërsa nga ana tjetër Dortmund pas një starti perfekt në kampionat, pësoi një rënie drastike ku nuk arriti të fitonte në plot 8 javë. Por në dy javët e fundit pasi mori drejtimin Peter Soger ata kanë marrë dy fitore dhe mund të themi se janë rikthyer.
Gjithsesi në Superkupën e Gjermanisë, kampionët në fuqi arritën të triumfonin 4-5 me 11-metërsha, pasi koha e rregullt dhe shtesa ishte mbyllur 2-2. Misioni për të mbrojtur trofeun këtë herë duket shumë i vështirë por jo i pamundur.
