Efektivët e policisë që filmuan dhe më pas shpërndajnë videon e ministrit Dritan Demiraj, teksa ky i fundit diskutonte me oficerë të policisë gjyqësore, për sekuestrimin e prozhektorëve që u përdorën në protestën e PD-së (që dyshohet se shkaktuan helmimin e simpatizantëve të PD-së), do të procedohen për shkelje të disiplinës.
Sipas zyrës së së shtypt të Ministrisë së Punëve të Brendshme, Shërbimi i Çështjeve të Brendshme dhe Ankesave në në këtë dikaster, ka nisur procedim disiplinor ndaj policëve guximtarë.
Nga pamjet e transmetuara duket se ministri Demiraj është filmuar nga një prej vartësve të tij me kamerat e trupit, me të cilat policët tashmë janë të pajisur.
Demiraj shihet ndërsa po i shpjegonte oficerëve gjyqësore se nuk mund të merrnin të gjithë prozhektorët, por vetëm njërin prej tyre për ekzaminim, duke lejuar partitë politike që të vijonin me aktivitetet e tyre.
Siç dëgjohet në filmim, oficerët i justifikuan veprimet me një urdhër të prokurorit.
Edhe Prokuroria e cila ka nisur një hetim për oficerët e policisë gjyqësore nëse kanë qenë të pajisur me lejen e prokurorisë.
