Filmi më i suksesshëm i vitit nga kinematografia e Kosovës, “Vera Andrron Detin”, i vlerësuar nga kritika dhe fitues i shumë çmimeve të rëndësishme ndërkombëtare është shfaqur premierë në Tiranë në kinema Cineplexx.
Në filmin me skenar nga Doruntina Basha dhe regji nga Kaltrina Krasniqi, shfaqet gruaja e cila lufton një realitet të vrazhdë pabarazish gjinore të rrënjosura thellë në shoqëri edhe në ditët e sotme.
“Vera Andrron Detin” është fitues i shumë çmimeve të rëndësishme ndërkombëtare si: Venice Film Festival, Tokyo International Film Festival, Thessaloniki International Film Festival etj. Në “Prifest” u shpërblye për regjinë më të mirë.
Vera, një grua në moshë mesatare, detyrohet të ballafaqohet me realitetin e çështjeve gjinore me rrënjë të thella në shoqëri edhe në ditët e sotme.
Lufta e Verës për pronën familjare shpalos një ambient politik e kulturor të ndërtuar mbi pabarazitë, jo vetëm në Kosovë, por edhe globalisht.
Aktorët të cilët luajnë në film janë: Teuta Ajdini, Alketa Syla, Refet Abazi, Astrit Kabashi, Arona Zyberi, Aurita Agushi, Ilire Vinca, Xhevat Qorraj etj.
