Këngëtarja Fifi ka rrëfyer disa të pathëna për publikun shqiptar. Në një intervistë për Prive.al, Fifi ka treguar se ka pasur një paragjykim për këngëtaren Ronela Hajati, me të cilën tashmë është shoqe e ngushtë.
Teksa zbuloi 10 gjërat që publiku nuk i dinte për të, këngëtarja ka thënë se kur nuk e njihte Ronelën si njeri e urrente dhe madje nuk donte ta shihte me sy apo t’i dëgjonte emrin.
“Ronela Hajatin nuk doja ta shikoja me sy, nuk doja as të flisja për të. Kur i shihja fytyrën më dukej sikur kishte energji negative, por ajo është e mrekullueshme, betohem. Kurrë në jetën time nuk ma merrte mendja se një ditë do bëhesha shoqe e ngushtë me të”, ka thënë Fifi. Ajo dha dhe një mesazh, teksa tha se askush nuk duhet gjykuar nga pamja e jashtme, sepse nuk i dihet kush është njeri i mirë e kush i keq.
