Kombëtaret që morën pjesë në Botërorin e Rusisë dolën të gjitha të fituara, FIFA këtë herë ka shpërndarë plot 670 milionë euro për të gjitha skuadrat. Në krahasim me Botërorin e katër viteve më parë, që nga ekipet që u nuk kaluan grupin deri tek fituesi i trofeut kanë fituar më shumë. Ndërsa dy finalistët do të kenë një diferencë prej 10 milionë eurosh.
Ndërkohë, ditën e djeshme është mësuar skuadra e tretë më e mirë e turneut, që është Belgjika. Ekipi i Martinezit përfitoi 20 milionë euro nga triumfi kundër Anglisë. Ekipet që janë eliminuar në fazën e parë u rikthyen në shtëpi me 7 milionë euro.
Finalistet do të fitojnë një buxhet që mund të ndihmojë shumë dy federatat për projektet e tyre (sidomos atë kroate). Ekipi triumfues në ditën e sotme do të rikthehet në shtëpi me 32.3 milionë euro (38 milionë dollarë), ndërsa skuadra nënkampione do të përfitojë 10 milionë euro më pak. Nënkampionët do të përfitojnë 28 milionë dollarë, ose 23.8 milionë euro.
