Një lajm aspak i mirë për LSI-në vjen nga Fieri, ku dy këshilltarë i kanë bërë “puçin” partisë, duke iu bashkuar Partisë Socialiste. Vendimi u bë i ditur në mbledhjen e Këshillit Bashkiak të Fierit, e cila u shoqërua me debate ditën e sotme.
Por, kush janë këshilltarët që lanë LSI-në për PS-në?
Mësohet se Thoma Tyto dhe Drita Sauli iu bashkuan grupit të këshilltarëve bashkiakë të PS-së, ndërsa këshilltarja e LSI-së, Ekaterina Zarka doli e pavarur.
Sipas këshilltarëve, vota e tyre duhet të jetë në shërbim të qytetarëve dhe qytetit, dhe “jo në shërbim të vendimeve politike”, që sipas tyre “jo rrallë herë janë të gabuara dhe cenojnë këtë shërbim”.
