Anëtari i Partisë Demokratike, Astrit Sinanaj ka zyrtarizuar garën e tij për kren e PD-së.
63-vjeçari Sinanaj është ekonomist me origjinë nga fshati Gorishovë e me banim në Fier, i cili ka dorëzuar kërkesën e tij për të marrë drejtimin e PD-së edhe pas dorëheqjes së liderit Sali Berisha.
Veç Sinanajt, deri më tani për kreun e PD-së ka shpallur kandidaturën edhe Eduard Selimi.
Sinanaj, teksa deklaroi se do garontepër kreun e demokratëve, tha për gazetën Shekulli:
“Unë jam fjerak, jam anëtar i asaj partie nga fillimi. Dje unë depozitova kerkesën sipas rregullit ne kryesinë e Partisë. Shpresoj të jem i duhuri e të realizoj arritjen e qëllimit të lindjes se kësaj force politike. Nëse më besohet shërbimi i kryetarit nga anëtarsia, zotohem, se do të propozoj të vendosim së bashku, si parim bazë: partia jonë, jo vetëm të mos kërkoj të mari pushtet nga populli por t’ia kthej atij edhe kur me mashtrime i rrëmbehet nga të tjerë. Për mua Demokracia është produkt i marrëdhënieve reciproke. Ajo ka dhe do te këtë si bazë lirinë dhe pushtetin e popullit si pronë të tij dhe jo përvetësimin e tyre. Së bashku do të krijojmë demokracinë e kërkuar. Shpresoj e shumë shpresoj që të mirëkuptohem e të bashkëpunojmë për arritje ëndërrimtare”, ka deklaruar ai për gazetën Shekulli.
