“Ngërçi” i krijuar me emërimin e anëtareve për Gjykatën Kushtetuese është komentuar edhe nga gazetari Blendi Fevziu.
I ftuar në emisionin “Kjo Javë”, Fevziu e sheh përplasjen mes Presidencës, Kuvendit dhe KED-së, si vazhdimësinë e përplasjes mes Presidentit dhe mazhorancës.
Sa i përket betimit të Arta Vorpsit te noterja si gjyqtare e Gjykatës Kushtetuese, Fevziu e cilësoi një veprim qesharak.
“Ajo ishte qesharake, unë nuk e di kujt i referohej. Të paktën neni 129 është strikt që thotë duhet të betohet para Presidentit, por ka një çështje këtu që nëse ajo nuk betohet nuk gjykon dot. Por anëtare rezulton e zgjedhur sipas saj. Pra, mund të jetë anëtare e Gjykatës Kushtetuese, por nuk ka votë në gjykim. Ajo hyn në zyrë, por nuk mund të marr pjesë në gjykimin e çështjes”, tha Fevziu.
Ndërsa për përplasjen në distancë mes Ilir Metës dhe kryeministrit Rama, moderatori i “Opinion” tha: “I njoh shumë mirë të dy, e di që janë njerëz aq pragmatistë, saqë do t’i nxirrnin dhëmbët e do të kërconin njëri-tjetrin, po aq do përqafoheshin e do putheshin po të ishte interesi. Kështu që sa i takon deklaratave është mirë të mos i marrin në konsideratë.
“Ju i ndoqët artikulimet politike, Rama foli ashpër ndaj Presidentit e quajti edhe taleban presidentin. Po nuk është hera e parë, Rama dhe Meta kanë lëshuar aq shumë akuza sa asnjëri në Shqipëri nuk ka shkëmbyer me njëri tjetrin.
Rama dhe Meta kanë bërë aq kompromise të çuditshme se askush në Shqipëri nuk ka bërë me njëri-tjetrin. Kështu që nga ky aspekt nuk marr të mirëqenë asnjë nga deklaratat e tyre, asnjë nga momentet e tyre nervoze, apo të dashurisë”, shtoi ai.
Rama-Meta, ‘matje’ forcash në distancë. Presidenti i përgjigjet ironisë së KM
