Gazetari Blendi Fevziu tha sonte se kryepeshkopi Anastas Janullatos nuk arriti të bënte kurrë është të krijonte një profil të ndarë nga interesat greke në Shqipëri. I ftuar në emisionin “360 Gradë” Fevziu tha se Janullatos nuk iu përgjigj thirrjes së PDIU-së së i kërkoi të gjitha besimeve fetare në Shqipëri të bënin një lutje për shqiptarët çamë midis tyre edhe ortodoks. Fevziu e quan këtë gjest të pafalshëm. Gjithashtu, ai theksoi se dhënia e nënshtetësisë shqiptare për Janullatos është diçka normale.
“Meta ka kryer një akt që mund të quhet normal. Nëse i kthehemi historisë së Janullatos, konsideroj që në krye të Kishës autoqefale të ishte një përfaqësues shqiptar. Përtej kësaj, ajo që Janullatos nuk arriti të bënte kurrë është të krijonte një profil të ndarë nga interesat greke në Shqipëri. Ka qenë një moment ku kryetari i PDIU-së i kërkoi të gjitha besimeve fetare në Shqipëri të bënin një lutje për shqiptarët çamë midis tyre edhe ortodoks. Besoj se kjo ishte legjitime. Priftërinjtë në luftë shkojnë tek ushtari armik. Me sa di unë Janullatos nuk ktheu një përgjigje dhe ky ka qenë një nga gjestet e pafalshëm. Ky është gjykimi im personal. Për sa i përket pasaportës, unë e quaj krejtësisht normale. Nëse më pyesni nëse ky ishte gjest për të përmirësuar marrëdhëniet me Athinë zyrtare, këtë nuk mund ta them, deklaroi Fevziu.
Ndërkohë disa ditë më parë, presidenti Ilir Meta ka firmosur për t’i dhënë nënshtetësinë kryepeshkopit Anastas Janullatos, i cili është në krye të Kishës Ortodokse të Shqipërisë prej 25 vitesh. Kjo u bë e ditur në prag të Krishtlindjeve, si një dhuratë për Janullatos.
