Filmi “The Square” i regjisorit suedez, Ruben Östlund triumfoi në edicionin e 70-të të Festivalit të Kanës.
Çmimi fitues u prezantua nga aktorja italiane Monica Bellucci gjatë ceremonisë së mbylljes, të dielën në mbrëmje.
Me çmime u vlerësuan edhe disa filma, aktorë e regjisorë, pjesmarrës në këtë event, ndër më të rëndësishmit e kinematografisë.
-Filmi francez “120 battements par minute”, i regjisorit Robin Campillo, mori Çmimin e Madh.
-Çmimi i skenografisë iu dha amerikanes Sofia Coppola për filmin “Les Proies”.
-Çmimi i 70-vjetorit të festivalit i krijuar posaçërisht për këtë edicion, i shkoi aktores Nicole Kidman.
-Aktorja gjermane Diane Kruger, ishte laureatja e çmimit të interpretimit për femra, me rastin e 70-vjetorit të festivalit.
-Çmimi i interpretimit për femra iu akordua Diane Kruger për rolin e luajtur në filmin “Aus dem Nichts” (In the Fade), të regjisorit Fatih Akin.
-Çmimi i interpretimit për meshkuj shkoi për aktorin amerikan Joaquin Phoenix për rolin në filmin “You Were Never Really Here”, të Lynne Ramsay.
-Çmimin e jurisë e mori filmi “Faute d’amour” (Nelyubov/Loveless), i regjisorit rus Andreï Zviaguintsev.
-Çmimi i skenarit iu dha grekut Yorgos Lanthimos për filmin “Mise à mort du cerf sacré’ dhe britanikut Lynne Ramsay për “You Were Never Really Here”.
-Palma e artë për filmin me metrazh të shkurtër shkoi për regjisorin kinez Qiu Yang për “Une nuit douce” (Xiao Cheng Er Yue/A Gentle Night).
-Çmimi Kamera e Artë, iu dha filmit “Jeune femme” të francezes Léonor Serraille.
Juria, e kryesur nga Pedro Almodovar, përbëhej këtë vit nga aktorja amerikane Jessica Chastain, aktorja dhe regjisorja franceze Agnès Jaoui, regjisorja gjermane Maren Ade, aktorja kineze Fan Bingbing, kompozitori francez Gabriel Yared, aktori amerikan Will Smith, regjisori italian Paolo Sorrentino dhe regjisori koreanojugor Park Chan-wook.
19 filma me metrazh të gjatë ishin në garë në këtë edicion të 70-të Festivalit të Kanës për çmimin Palma e Artë.
