Presidenti i Serbisë, Aleksandar Vuçiç ka thënë se është krenar për qytetarët e Serbisë, edhe pse ata sot janë të pikëlluar për shkak të humbjes në ndeshjen kundër Zvicrës. Ai tha se lojtarët e Serbisë kanë bërë një paraqitje dinjitoze dhe se nuk kanë fyer askënd, nuk kanë treguar urrejtje, por ata janë treguat qytetarë të lirë dhe të arsimuar. Sipas tij ata kanë treguan madhështi dhe maturi.
Kjo është përgjigja e Presidentit të Serbisë, për ndeshjen që u zhvillua mbrëmë mes Serbisë dhe Zvicrës, ku dy shqiptarët Gjerdan Shaqiri dhe Granit Xhaka, ndëshkuan Serbinë.
“Jam krenar për qytetarët, sepse kombi ynë ishte i bashkuar, edhe pse jemi të trishtuar për mbrëmjen e djeshme. Por ne nuk kemi fyer asnjë njeri edhe pse ishim të trishtuar, sepse ne e duam vendin tonë”, ka thënë Vuçiç.
Ai përsëriti, ashtu si dje, se do të vijojë të mbështesë kombëtaren serbe.
“Unë besoj në fitore ndeshjen e ardhshme. Dhe nëse jo, ne do ta duan vendin tonë. Ne nuk kemi nevojë për këngë kundër të tjerëve, për urrejtje kundër të tjerëve, ata mund të na urrejnë”, tha ai.
Ai përgëzoi vëllezërit rusë për fitoret në Kupën e Botës dhe u uroi shumë sukses.
