Institucionet shtetërore kanë organizuar një varg festimesh për 11-vjetorin e Pavarësisë së Kosovës. Qeveria e Kosovës ka ndarë 500 mijë euro për përvjetorin të 11 të Pavarësisë së Kosovës. Dita e Pavarësisë do të shënohet me shumë aktivitete të parapara në agjendën institucionale, duke filluar në orën 08:00 me mbledhjen festive të Qeverisë.
Ndër manifestimet e para është nisja e Deklaratës së Pavarësisë nga objekti i qeverisë në 7 qendrat kryesore të Kosovës. E gjithë kjo është bërë nën mbikqyrjen e Gardës së FSK-së.
Në Prishtinë, Deklarata u vendos në sheshin “Nënë Tereza”, para Ministrisë së Kulturës. Ajo do të ekspozohet edhe në Mitrovicë, Pejë, Prizren, Ferizaj, Gjilan dhe në Gjakovë. Gjatë ditës, në kryeqytet u vendosën punime artistike të simboleve të pavarësisë dhe u hap panairi i produkteve vendore.
