Në Rusi nuk kanë fund çudirat. Një futbollist i Torpedos në Divizionin e Dytë, pasi ka shënuar ka bërë një festim special. Mesfushori Aleksander Belov kishte programuar gjithçka dhe në rast se shënonte gol festën do ta bënte duke i propozuar të dashurës për martesë.
Skuadra e tij ka fituar me rezultatin e thellë 6-2, ku ka shënuar edhe Belov. Në fakt, gjithçka ka qenë e menduar mirë nga mesfushori, që te skema nga e cila shënoi golin, e deri te trëndafilat e unaza që po e prisnin në pankinë.
Pas golit, ai ka vrapuar drejt pankinë, duke marrë trëndafilat dhe unazës dhe në fund, një përgjigje pozitive nga e dashura e tij. Gjesti i mesfushorit është duartrokitur nga të gjithë, si tifozët, ashtu edhe futbollistët në fushë. Por çfarë do kishte ndodhur nëse Aleksandri nuk do të kishte shënuar?
