Paul Pogba, ka shijuar një rikthim mjaft të mirë nga dëmtimi, duke u vlerësuar si lojtari më i mirë i ndeshjes. Ylli i Manchester United ka shënuar një gol dhe ka dominuar në mesfushë përballë Newcatle. I çuditshëm ishte festimi që ka bërë pasi ka shënuar, pasi Pogba ka kryqëzuar grushtet, por pas ndeshjes ka ndalur të sqarojë se festoi ashtu në llogarinë e tij në Instagram.
Menjëherë pasi shënoi golin e tretë për Manchester United, Pogba kryqëzoi kuçet e duarve. Një gjest të cilin vetë 24-vjeçari e sqaron në Instagram: “Ndërkohë që jam shumë i lumtur për rikthimin tim, lutjet e mia shkojnë për të gjithë ata që vuajnë nga skllavëria në Libi. Allahu qoftë me ju dhe i ardhtë sa më parë fundi kësaj masakre!”. Pogba ka falenderuar edhe tifozët e Man United për mbështetjen e tyre gjatë periudhës së dëmtimit të tij. Nëpërmjet një postimi tjetër ai shkruante: “Faleminderit të gjithë atyre që ishin aty për mua gjatë dëmtimit. Faleminderit të gjithë tifozëve, ky është për ju!”.
