Gazetari dhe themeluesi i gazetës italiane La Repubblica” Eugenio Esse, ditët e fundit ka hapur polemika në Itali por jo vetëm.
93-vjeçari ka deklaruar se ka zhvilluar një intervistë me Papa Franceskun,i cili mësohet të ketë rrëfyer një të vërtetë të madhe qe lidhet me jetën e përtejme dhe me ekzistencën e shpirtit.
Gazetari me bindje ateste është shprehur se Papa I ka rrëfyer se ferri nuk ekziston. Ai ka vijuar më tej sipas mediave italiane duke thënë se Papa ka thënë gjithashtu se shpirtrat e të papeneduarve thjesht do të zhduken njëherë e përgjithmonë.
“Ferri nuk ekziston: Shpirtrat që nuk pendohen thjesht zhduken”.
Dhe pas kësaj deklaratë të fortë, tw gazetarit 93-vjeçarë, ka reaguar dhe Vatikani.
Zyra e Shtypit të Vatikanit, mohon faktin duke sqaruar se: “Ati i Shenjtë Françesku ka zhvilluar së fundmi një takim privat me themeluesin e gazetës La Repubblica me rastin e Pashkëve, por nuk ka dhënë ndonjë intervistë për të. Ajo që pretendon autori në artikull është rezultat i rindërtimit të tij, në të cilin fjalët e shprehura nga Papa nuk përmenden. Asnjë citim i artikullit të lartpërmendur nuk duhet të konsiderohet si një transkriptim besnik i fjalëve të Atit të Shenjtë”.
